Жалпы ақпарат, білімі

Ахметжанов Марат Мұратұлы, 1964 жылы туған, білімі жоғары, заңтану мамандығы бойынша Қарағанды мемлекеттік университетін бітірген.

Мансап

Еңбек жолын 1991 жылы Теміртау қаласының прокуратурасында тағылымгер қызметінен бастады. 1993-1996 жылдары – Қазақстан Республикасы Бас Прокуратурасының жанындағы Сыбайлас жемқорлыққа қарсы күрес жөніндегі арнайы прокуратураның аса маңызды істер жөніндегі аға тергеушісі, одан кейін Қазақстан Республикасы Бас Прокуратурасы Аса қауіпті қылмыстарды тергеу басқармасы аймақтық тергеушілер бөлімінің бастығы. 1996-1997 жылдары – Мемлекеттік тергеу комитетінің Аса қауіпті қылмыстарды тергеу басқармасының бөлім бастығы, Мемлекеттік тергеу комитетінің Әскери-тергеу департаменті тергеу басқармасының бастығы. 1997-1998 жылдары – Қазақстан Республикасы Ішкі істер министрлігі Әскери-тергеу департаменті тергеу басқармасының бастығы. 1998-2001 жылдары – Тергеу департаменті директорының орынбасары және Қазақстан Республикасы Әділет министрлігі Сот қаулыларын орындау комитеті төрағасының орынбасары. 2001-2003 жылдары – Қазақстан Республикасы Бас Прокуратурасы Тергеу және анықтау органдарындағы заңдылықты қадағалау департаментінің бастығы. 2003-2006 жылдары – Павлодар облысының прокуроры. 2006-2009 жылдары – Оңтүстік Қазақстан облысының прокуроры. 2009-2012 жылдары – Қазақстан Республикасы Бас Прокуратурасы Құқықтық статистика және арнайы есепке алу жөніндегі комитетінің төрағасы. 2012-2014 жылдары – Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі төрағасының орынбасары. 2014-2016 жылдары – Атырау облысы мемлекеттік қызмет істері және сыбайлас жемқорлыққа қарсы іс-қимыл департаментінің басшысы, одан кейін Атырау облысы сыбайлас жемқорлыққа қарсы іс-қимыл ұлттық бюро департаментінің басшысы.
2016-2021 жылдары – Қазақстан Республикасы Бас Прокурорының орынбасары.
2021 -2022 жылдары – Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) төрағасы.
2022-2023 жылдары – Қазақстан Республикасының Ішкі істер министрі.
2023 жылғы қыркүйек айынан бастап Ақмола облысы әкімінің лауазымына тағайындалды.
«Құрмет», ІІ дәрежелі «Даңқ», І дәрежелі «Даңқ» ордендерімен наградталған.

Облыс әкiмi
Облыс әкiмдiгiнiң және облыс әкiмi аппаратының қызметiн басқару.
Облыс әкiмi орынбасарларының, облыс әкiмi аппараты басшысының, облыстық атқарушы органдардың, аудандар, Көкшетау және Степногорск қалалары әкiмдерiнiң жұмыстарын үйлестiру, Қазақстан Республикасы орталық мемлекеттiк органдарының барлық аумақтық бөлiмшелерiнiң келiсiлген қызмет етулерi.
Экономикалық, қаржылық, фискальды саясаттың, жергiлiктi бюджеттiң стратегиялық мәселелерi.
Кадр саясатының мәселелерi.
Қорғаныс және құқықтық тәртiп мәселелерi.
Норма шығармашылық қызмет мәселелерi.
Iс-тәжiрибелiк қызметте облыс әкiмi өкiлеттiлiгiнiң бiр бөлiгiн облыс әкiмiнiң орынбасарларына, облыс әкiмi аппаратының басшысына, аудандардың, Көкшетау және Степногорск қалаларының әкiмдерiне бере алады.
Облыс әкiмi болмаған кезде, оны облыс әкiмi орынбасарларының бiрi алмастырады.
Облыс әкiмдiгiн Қазақстан Республикасының Президентiмен, Қазақстан Республикасының Үкiметiмен, Қазақстан Республикасының Парламентiмен, Қазақстан Республикасы Президентiнiң Әкiмшiлiгiмен, Қазақстан Республикасы Премьер-Министрiнiң Кеңсесiмен, орталық мемлекеттiк органдармен, облыстық атқарушы және аумақтық органдармен, барлық деңгейдегi мәслихаттармен, Ақмола облысының сотымен, Ақмола облысының прокуратурасымен, Қазақстан Республикасы Ұлттық қауiпсiздiк комитетiнiң Ақмола облысы бойынша департаментiмен, Ақмола облысының қорғаныс iстерi департаментiмен, Ақмола облысының iшкi iстер департаментiмен, Ақмола облысының әдiлет департаментiмен, Сыбайлас жемқорлыққа қарсы iс-қимыл ұлттық бюросының (сыбапйлас жемқорлыққа қарсы қызметi) Ақмола облысы бойынша департаментiмен, Ақмола облысының мемлекеттiк қызмет iстерi және сыбайлас жемқорлыққа қарсы iс-қимыл департаметiмен қарым-қатынастарда ұсынады.

Басқарады: облыстық әкiмдiктi, облыстық бюджеттiк комиссияны, индустриалды-инновациялық даму жөнiндегi үйлестiру кеңесiн, «Бизнестiң жол картасы 2020» бизнестi қолдау мен дамытудың бiрыңғай бағдарламасын iске асыру жөнiндегi өңiрлiк үйлестiру кеңесiн, инвесторларды тарту және инвестициялық ахуалды жақсарту жөнiндегi кеңестi, Ақмола облысы әкiмдiгiнiң жанындағы терроризмге қарсы комиссияны, жастар iстерi жөнiндегi кеңестi, мемлекеттiк рәмiздер жөнiндегi комиссияны, сыбайлас жемқорлықпен күрес мәселелерi жөнiндегi комиссияны, құқық бұзушылықтардың алдын алу жөнiндегi комиссияны, техникалық және кәсiби бiлiм берудi және кадрларды дайындауды дамыту жөнiндегi өңiрлiк кеңестi, дiни бiрлестiктермен байланыс жөнiндегi кеңестi, төтенше жағдайлардың алдын алу және жою жөнiндегi облыстық комиссияны, бағаларды тұрақтандыру және оның негiзсiз өсуiне жол бермеу жөнiндегi өңiрлiк штабты, облыс әкiмiнiң атаулы стипендияны тағайындау жөнiндегi комиссияны, Қазақстан халқы Ақмола ассамблеясының кеңесiн, Ақмола обылсының экспорт жөнiндегi өңiрлiк кеңестi.

Облыс әкiмi аппаратының құрылымдық бөлiмшелерi: мемлекеттiк құпияларды қорғау жөнiндегi бөлiмше, облыс әкiмiнiң баспасөз қызметi, iшкi аудит қызметi.

Жалпы ақпарат, білімі

Марат Сұлтанғазиев 1976 жылы Алматы облысында дүниеге келген. Абай атындағы Алматы мемлекеттік университетін, Қазақ мемлекеттік заң академиясын, Т. Рысқұлов атындағы Қазақ экономикалық университетін тәмамдаған. Мамандығы бойынша — экономист-қаржыгер, заңгер, іскерлік әкімшілендіру магистрі.

Мансап

1997 - 1999 жылдары - Алматы қаласы Әуезов ауданы бойынша Салық комитетінің салық аудиті бөлімінің салық инспекторы ;
1999 - 2001 жылдары - Алматы қаласы бойынша Салық комитеті әкімшілендіру басқармасының үйлестіру бөлімінің салық инспекторы, заңды тұлғалар аудиті бөлімінің жетекші, бас салық инспекторы;
2001 - 2006 жылдары - Алматы қаласы Бостандық ауданы бойынша Салық комитетінің аудит бөлімінің бастығы;
2006 - 2008 жылдары - салықтық апелляциялар, түсіндірулер және құқықтық қамтамасыз ету басқармасының бастығы, Алматы қаласы бойынша Салық комитеті салықтық аудит басқармасының бастығы
2008 - 2010 жылдары - Алматы қаласы бойынша Салық департаменті бастығының орынбасары
2010 - 2012 жылдары - ҚР Қаржы министрлігінің Салық және кеден заңнамасы мәселелерін үйлестіру, кірістерді талдау және болжау департаментінің директоры;
2012 - 2014 жылдары - Қазақстан Республикасы Президенті Әкімшілігінің Әлеуметтік-экономикалық мониторинг бөлімінің сектор меңгерушісі
2014 - 2018 жылдары - Қазақстан Республикасы Қаржы министрлігі Мемлекеттік кірістер комитетінің Алматы қаласы бойынша Мемлекеттік кірістер департаментінің басшысы
2018 - 2021 жылдары - Қазақстан Республикасы Қаржы министрлігі Мемлекеттік кірістер комитетінің төрағасы
2021 - 2022 жылдар - Қазақстан Республикасының Қаржы вице-министрі
2022 - 2022 жылдар - Қазақстан Республикасының Қаржы бірінші вице-министрі
11.06.2022 - Алматы облысының әкімі

Басқа лауазымдар:

16.08.2021 жыл - "Проблемалық кредиттер қоры" АҚ Директорлар кеңесінің мүшесі
Мемлекеттік және халықаралық наградалар, сыйлықтар, құрметті атақтар:
2019 жылы - "Құрмет" ордені

Жалпы ақпарат, білімі

Серік Жамбылұлы Шәпкенов (29 шілде 1979, Қаратөбе ауылы, Қаратөбе ауданы, Батыс Қазақстан облысы, Қазақ КСР, КСРО) — мемлекеттік қайраткер. 1979 жылы 29 шілдеде Батыс Қазақстан облысы, Қаратөбе ауданының Қаратөбе кентінде дүниеге келді. М. Өтемісов атындағы Батыс Қазақстан мемлекеттік университетінің экономикалық кибернетика факультетін бітірген (2000), экономист-математик.

Мансап

• 2000 жылдан - М. Өтемісов атындағы Батыс Қазақстан мемлекеттік университетінің оқытушысы.
• 2001 жылдан - Батыс Қазақстан облыстық қоршаған ортаны қорғау қорының жетекші маманы.
• 2002 жылдың маусымынан - Батыс Қазақстан Қаржы басқармасының жетекші маманы, 2003 жылдан - бас маманы.
• 2006 жылдың қаңтарынан - БҚО Экономика және бюджеттік жоспарлау департаменті шынайы секторлы дамыту бөлімінің бастығы.
• 2006 жылдың наурызынан - БҚО Ауыл шаруашылықдепартаменті әкімшілік бөлімінің бастығы.
• 2007 жылдың қаңтарынан - БҚО Ауыл шаруашылық департаменті директорының орынбасары.
• 2007 жылдың қазанынан - БҚО Экономика және бюджеттік жоспарлау департаменті бастығының орынбасары.
• 2009 жылдың қыркүйегінен - Батыс Қазақстан облысы Экономика және бюджеттік жоспарлау басқармасының бастығы.
• 2014 жылдан - ҚР Президенті әкімшілігінің мемлекеттік бақылау және ұйымдастыру-аумақтық жұмыс бөлімінің мемлекеттік инспекторы.
• 2016 жылдан - Атырау қаласының әкімі.
• 2018 жылдан - Атырау облысы әкімінің орынбасары
• 2020 жылдан – Еңбек және халықты әлеуметтік қорғау министрінің орынбасары.
• 2021— 2022 жылдары — Еңбек және халықты әлеуметтік қорғау министрі.
• 2022 жылдың 7 сәуірден бастап Атырау облысының әкімі болып тағайындалды.

Жалпы ақпарат, білімі

Туған күні: 1965 жылғы 2 мамыр
Туған жері: Қаз КСР; Алматы қаласы.
C.Киров атындағы Қазақ мемлекеттік университеті (1982-1988) Тарихшы, шет тілінде оқытатын тарих пәнінің мұғалімі КСРО Сыртқы істер министрлігінің Дипломатиялық академиясын (1991-04.1993) халықаралық қатынастар және сыртқы саясат мамандығы бойынша аяқтады, дипломат.
Қазақ, орыс, ағылшын, корей тілдерін меңгерген

Мансап

• ҚазССР Сыртқы істер министрлігінің құпия іс қағаздарын жүргізу бойынша аға инспекторы (08.1988-09.1988);
• Қазақ КСР Сыртқы істер министрінің көмекшісі (09.1988-10.1989);
• Қазақ КСР Сыртқы істер министрінің баспа және ақпарат бөлімінің бірінші хатшысы (11.1989-06.1990);
• Қазақ КСР Сыртқы істер министрінің консулдық бөлімінің бірінші хатшысы (06.1990-09.1991);
• Қазақстан Республикасының Сыртқы істер министрлігінің Азия елдері басқармасының бірінші хатшысы (05.1993-08.1993);
• Қазақстан Республикасының Сыртқы істер министрлігінің Мемлекеттік протокол басқармасының бірінші хатшысы (08.1993-12.1993);
• Қазақстан Республикасының Сыртқы істер министрлігінің Мемлекеттік протокол басқармасының бөлім меңгерушісі (12.1993-06.1994);
• Қазақстан Республикасының Президенті Аппаратының Халықаралық бөлімінің консультанты (06.1994-01.1996);
• Қазақстан Республикасының Президенті Аппаратының Протокол қызметі басшысының міндетін атқарушы (01.1996-04.1996);
• Қазақстан Республикасының Швейцария Конфедерациясындағы Елшілігінің бірінші хатшысы, Швейцария Конфедерациясы Берн қ. (04.1996-08.1997);
• Көпжақты ынтымақтастық департаментінің Азиялық қауіпсіздік бөлімнің басшысы (08.1997-10.1997);
• Қазақстан Республикасы Премьер-Министрінің көмекшісі (10.1997-11.1999);
• «Нұрсұлтан Назарбаев білім қоры» қоғамдық қорының коммерциялық және жалпы сұрақтар бойынша директорының орынбасары (01.2000-05.2000);
• «Нұрсұлтан Назарбаев білім қоры» қоғамдық қоры директорының бірінші орынбасары (05.2000-10.2000);
• «ҚазТрансОйл» Ұлттық мұнай тасымалдау компаниясы жабық акционерлік қоғамының баспасөз қызметінің басшысы (10.2000-01.2001);
• «ҚазТрансОйл» Ұлттық мұнай тасымалдау компаниясы жабық акционерлік қоғамының президент аппаратының басшысы (01.2001-06.2001);
• «Мұнай мен газ тасымалы» Ұлттық компаниясы жабық акционерлік қоғамының аппарат басшысы (06.2001-03.2002);
• «ҚазМұнайГаз» Ұлттық компаниясы жабық акционерлік қоғамының президент аппаратының басшысы (03.2002-01.2003);
• «ҚазМұнайГаз» Ұлттық компаниясы жабық акционерлік қоғамының бірінші вице-президент кеңесшісі (01.2003-03.2003);
• «ҚазМұнайГаз» Ұлттық компаниясы жабық акционерлік қоғамының президент аппаратының басшысы (01.2003-12.2003);
• «Рауан Медиа Групп» акционерлік қоғамының бас директоры (12.2003-05.2004);
• «Отан» Республикалық саяси партиясының орталық аппарат басшысының бірінші орынбасары (05.2004-08.2004);
• «ҚазМұнайГаз» Ұлттық компаниясы жабық акционерлік қоғамының президент аппаратының басшысы (08.2004-04.2005);
• «Атамекен жалпыұлттық кәсіпкерлер мен жұмыс берушілер одағы» заңды тұлғалар бірлестігінің атқарушы директорының бірінші орынбасары (04.2005-05.2006);
• «Отан» Республикалық саяси партиясының орталық аппарат басшысы (05.2006-02.2007);
• «Беркут» қаржы өнеркәсіп тобы жауапкершілігі шектеулі серіктестігінің директоры, Астана қ. (02.2007-07.2007);
• «KazEnergy» Қазақстандық мұнайгаз және энергетикалық кешен ұйымдары қауымдастығының атқарушы директоры, Астана қ. (11.2007-04.2008);
• «Рауан Медиа Групп» АҚ-ның бас продюсері, Астана қ. (04.2008-05.2008);
• «Рауан Медиа Групп» АҚ-ның бас директоры, Астана қ. (05.2008-02.2009);
• «Ертіс» әлеуметтік-кәсіпкерлік корпорациясы» Ұлттық компаниясы акционерлік қоғамының басқарма төрағасы, Семей қ. (02.2009-07.2010);
• Шығыс Қазақстан облысы әкімі орынбасарының міндетін атқарушы (07.2010-09.2010);
• Шығыс Қазақстан облысы әкімінің орынбасары (09.2010-10.2012);
• Шығыс Қазақстан облысы әкімінің бірінші орынбасары (10.2012-12.2014);
• Қазақстан Республикасы Ауыл шаруашылығы министрлігінің вице-министрі (12.2014-10.2016);
• Қазақстан Республикасы Ауыл шаруашылығы министрлігінің жауапты хатшысы (10.2016-05.2018);
• Қазақстан Республикасының Сыртқы істер министрлігінің жауапты хатшысы (05.2018-01.2019);
• Қазақстан Республикасы Сыртқы істер министрінің орынбасары (01.2019-01.2020);
• Қазақстан Республикасының Ресей Федерациясындағы Төтенше және Өкілетті Елшісі (01.2020-16.06.2023);
• 2023 жылғы 16 маусымнан бастап Шығыс Қазақстан облысының әкімі.
Мемлекеттік және халықаралық наградалары, сыйлықтары, құрмет атақтары: «Құрмет» Ордені (12.2018)

Жалпы ақпарат, білімі

1970 жылғы 21 мамырда Алматы қаласында дүниеге келген.
1987 жылы – Алматы қаласындағы О. Жәутіков атындағы Республикалық физика-математикалық мектеп-интернатын бітірді.
Алматы энергетикалық институтын, Бауман атындағы Мәскеу Мемлекеттік техникалық университетін бітірді.

Мансап

1997 ж. – «Тұран Әлем Банкі» ЖАҚ Басқарма Төрағасының орынбасары, «АТФ Банк» ЖАҚ Басқарма Төрағасы;
1998 ж. – Қазақстан Республикасы Премьер-Министрінің кеңесшісі;
1998 ж. – Қазақстан Республикасының Энергетика, индустрия және сауда вице-министрі;
2000 ж. – Қазақстан Республикасының Қаржы вице-министрі;
2001 ж. – Қазақстанның Даму банкі Директорлар кеңесінің Төрағасы;
2001-2003 жж. – Қазақстан Республикасының Табиғи монополиялар, бәсекелестікті қорғау және шағын бизнесті қолдау агенттігінің Төрағасы;
2003-2004 жж. – Қазақстан Республикасының Қаржы министрі; Қазақстандағы Еуропалық қайта құру және даму банкінің (ЕҚДБ) басқарушысы; Қазақстан Республикасы Ұлттық Банкінің Басқарма мүшесі;
2004-2006 жж. – Қазақстан Республикасының Денсаулық сақтау министрі;
2006-2012 жж. «Қазинвестбанк» АҚ Директорлар кеңесінің Төрағасы;
2012 жылғы 25 қыркүйектен бастап – Қазақстан Республикасының Экономикалық даму және сауда министрі.
2013 жылғы 16 қаңтардан бастап – Қазақстан Республикасының Экономика және бюджеттік жоспарлау министрі.
2014 жылғы 6 тамызда Қазақстан Республикасы Президентінің Жарлығымен (№ 880) Қазақстан Республикасының Ұлттық экономика министрі болып тағайындалды.
2016 жылғы мамырдан бастап 2017 жылғы тамыз аралығында – «Бәйтерек» ұлттық басқарушы холдингі» акционерлік қоғамының Басқарма Төрағасы.
2017 жылғы тамыздан бастап 2019 жылғы ақпан аралығында Қазақстан Республикасы Премьер-Министрінің орынбасары лауазымында жұмыс істеді.
2019 жылғы 25 ақпанынан бастап 2022 жылғы қаңтар аралығында – Қазақстан Республикасы Ұлттық Банкінің Төрағасы.
2022 жылғы 31 қаңтарынан бастап Президент Жарлығымен Алматы қаласының әкімі болып тағайындалды.

«Құрмет», «Парасат» ордендерімен, «Қазақстан Конституциясына 20 жыл» мерекелік медалімен марапатталған.

Жалпы ақпарат, білімі

Жеңіс Махмудұлы Қасымбек 1975 жылы Жамбыл облысында дүниеге келді. Қазақ мемлекеттік сәулет-құрылыс академиясын «сәулетші-дизайнер» мамандығы бойынша аяқтады. 2001 жылы Л. Н. Гумилёв атындағы Еуразия мемлекеттік университетін «мемлекеттік және жергілікті басқару» мамандығы бойынша аяқтады.

Мансап

Еңбек жолын 1997 жылы Қазақ мемлекеттік сәулет-құрылыс академиясында тағылымгер-зерттеуші болып бастаған. 1998-2000 жылдары ҚР монополияға қарсы саясат жөніндегі комитетінің бөлімін басқарды. ҚР ККМ Су көлігі департаментінің директоры болып жұмыс істеген. 2004 жылдан 2005 жылға дейін «Ақтау халықаралық теңіз сауда порты» РМК директоры болды.
2005 жылғы қарашада оны Көлік және коммуникация вице-министрі етіп тағайындады. Содан кейін Көлік және коммуникация министрлігінің Жауапты хатшысы болды. Кейінірек Көлік және коммуникация министрі қызметін атқарған.
Бұдан кейін Инвестициялар және даму министрі, Индустрия және инфрақұрылымдық даму министрі болып жұмыс істеді.
2019 жылғы 25 ақпаннан бастап Қазақстан Республикасы Премьер-Министрінің орынбасары лауазымында жұмыс істеді.
2019 жылғы қыркүйектен бастап 2022 жылғы желтоқсан аралығында Қарағанды облысының әкімі.
2022 жылғы 8 желтоқсаннан бастап Президент Жарлығымен Астана қаласының әкімі болып тағайындалды.

Жалпы ақпарат, білімі

1980 жылы 8 шілдеде Шымкент қаласында дүниеге келген.
2001 жылы Қазақ мемлекеттік заң университетін, 2003 жылы РФ СІМ Дипломатиялық академиясын бітірген.

Мансап

2004-2007 жж. - ҚР СІМ-де қызмет: атташе, Мемлекеттік хаттама қызметінің үшінші хатшысы, Еуропа және Африка департаментінің үшінші хатшысы, Министрлік Кеңсесінің үшінші, екінші хатшысы;
2007-2011 жж. - ҚР Парламенті Сенатының аппаратында қызмет: Сенат Төрағасы Хатшылығының бас сарапшысы, бас консультант, парламентаралық байланыстар және халықаралық ынтымақтастық бөлімінің сектор меңгерушісі, меңгерушінің орынбасары, Халықаралық қатынастар, қорғаныс және қауіпсіздік комитетімен өзара іс-қимыл жөніндегі бөлім меңгерушісі;
2011-2012 жж. - ҚР СІМ Азия және Африка Департаменті Оңтүстік Азия және Таяу Шығыс басқармасының бастығы;
2012-2017 жж. - ҚР Франциядағы Елшілігінің Кеңесшісі, ҚР СІМ Әкімшілік және бақылау департаментінің кеңесшісі;
2017-2019 жж. - ҚР Парламенті Сенаты Төрағасының кеңесшісі, халықаралық қатынастар, қорғаныс және қауіпсіздік комитетімен өзара іс-қимыл бөлімінің меңгерушісі, Сенат Төрағасының кеңесшісі;
2019 жылғы мамырдан 2019 жылғы қыркүйек - ҚР СІМ ерекше тапсырма бойынша Елшісі;
2019 жылғы қыркүйектен 2021 жылғы шілде - ҚР Сербия Республикасындағы Төтенше және Өкілетті Елшісі;
2021 жылғы шілдеден 2023 жылғы ақпан - Қазақстан Республикасы Премьер-Министрі Кеңсесі Басшысының бірінші орынбасары;
2023 жылғы ақпаннан 2023 жылғы қыркүйек - Қазақстан Республикасы Үкіметі Аппараты Басшысының бірінші орынбасары;
2023 жылдың 5 қыркүйегінен бүгінгі күнге дейін - Шымкент қаласының әкімі.

Жалпы ақпарат, білімі

1976 жылы туған. Әл-Фараби атындағы Қазақ мемлекеттік ұлттық университетінің бакалавриатын «экономика және менеджмент» мамандығы бойынша және сол университеттің магистратурасын «экономика» мамандығы бойынша, Қазіргі гуманитарлық институтын «құқықтану» мамандығы бойынша бітірген.

Мансап

Еңбек жолын 1998 жылы Қазақстан Республикасы Статистика агенттігінде бас маман болып бастаған.
Әр жылдары Қазақстан Республикасы Президенті Әкімшілігінің әлеуметтік-экономикалық талдау бөлімінің консультанты, «Экспорттық несиелер мен инвестицияларды сақтандыру бойынша мемлекеттік сақтандыру корпорациясы» АҚ қаржы департаментінің директоры – Басқарма мүшесі, Қазақстан Республикасы Қаржы министрлігінің жиынтық-талдау департаментінің директоры, «ҚазАгро» Ұлттық холдингі» АҚ басқарушы директоры – Басқарма мүшесі, «Ауыл шаруашылығын қаржылай қолдау қоры» АҚ Басқарма төрағасы, «Республикалық бюджеттің атқарылуын бақылау жөніндегі есеп комитетінің қаржылық бұзушылықтарды зерттеу орталығы» Республикалық мемлекеттік кәсіпорнының директоры, «ҚБТУ мұнай-газ инженериясы және ақпараттық технологиялар институты» ЖШС бас директоры, «Қазақстанның тұрғын үй құрылыс жинақ банкі» АҚ Басқарма төрағасының орынбасары, Қазақстан Республикасы Президенті Әкімшілігінің әлеуметтік-экономикалық мониторинг бөлімі меңгерушісінің орынбасары, Қазақстан Республикасы Қаржы министрлігі Қазынашылық комитетінің төрағасы, «ҚазАгро» холдингі» АҚ Басқарма төрағасы, Қазақстан Республикасы Президенті Әкімшілігінің мемлекеттік бақылау және аумақтық-ұйымдастыру жұмысы бөлімі меңгерушісінің орынбасары, Қазақстан Республикасының Қаржы вице-министрі, Қазақстан Республикасының Ауыл шаруашылығы вице-министрі қызметтерін атқарған.
2021 жылдың қыркүйегінен бастап 2023 жылдың қыркүйегіне дейін Қазақстан Республикасының Ауыл шаруашылығы министрі лауазымында қызмет атқарды.
2023 жылғы 5 қыркүйектен бастап Жамбыл облысының әкімі.

Жалпы ақпарат, білімі

Бейбіт Өксікбайұлы Исабаев 1962 жылы Алматы облысында туған.
С.М.Киров атындағы Қазақ мемлекеттік университетін, Қазақстан Республикасы Сыртқы істер министрлігінің Дипломатиялық академиясын бітірген. Мамандығы – журналист, халықаралық қатынастар маманы. Төтенше және Өкілетті елші дипломатиялық дәрежесі бар, саяси ғылымдардың кандидаты.


Мансап

1985-1994 жылдары әртүрлі бұқаралық ақпарат құралдарында жұмыс істеді. «Өркен» – «Горизонт» газеттерінің бас редакторы, Қазақ мемлекеттік телерадио кешенінің бас директоры болды.
1994-1997 жылдары Алматы қаласы әкімшілігінде басшылық қызметтер атқарды, қала әкімінің орынбасары болды.
1997-2000 жылдарда – Қазақстан Республикасы Сыртқы істер министрлігі Дипломатиялық академиясының тыңдаушысы, Сыртқы істер министрлігі Әкімшілік департаментінің директоры.
2000-2002 жылдары Қазақстан Республикасы Премьер-Министрі Кеңсесінің Үкіметтік ақпарат бөлімінің меңгерушісі лауазымын атқарды.
2002-2003 жылдары – Қазақстан Республикасы Сыртқы істер министрінің кеңесшісі, Сыртқы істер министрлігінің Ерекше тапсырмалар жөніндегі елшісі, Қазақстан Республикасының «Орталық Азия ынтымақтастығы» ұйымы мәселелері жөніндегі ұлттық үйлестірушісі.
2003-2008 жылдарда Қазақстан Республикасының Пәкістан Ислам Республикасындағы Төтенше және Өкілетті Елшісі, Қазақстан Республикасының Түркия Республикасындағы Төтенше және Өкілетті Елшісі, Қазақстан Республикасының Албания Республикасындағы Төтенше және Өкілетті Елшісі қызметін қоса атқарушы болды.
2008-2009 жылдарда Қазақстан Республикасының Мәдениет және ақпарат вице-министрі, Қазақстан Республикасы Президентінің баспасөз хатшысы қызметтерін атқарды.
2009-2019 жылдары – Қазақстан Республикасының Қырғыз, Әзербайжан республикаларындағы Төтенше және Өкілетті Елшісі.
2019-2022 жылдар аралығында Қазақстан Республикасы Президентінің Парламенттегі өкілдігінің басшысы, Парламент Сенатының депутаты, Әлеуметтік-мәдени даму және ғылым комитетінің төрағасы болды.
2022 жылдың 11 маусымынан бастап – Жетісу облысының әкімі.
Үйленген, үш баласы бар.

Жалпы ақпарат, білімі

Төреғалиев Нариман – 1964 жылы туған, білімі-жоғары, 1990 жылы Жамбыл гидромелиоративтік-құрылыс институтын "Инженер-экономист" мамандығы бойынша, 2004 жылы · Каспий қоғамдық университетін "Заңгер"мамандығы бойынша бітірген.

Тағайындалған күні: 02.12.2022

Мансап
Еңбек өтілі:

• «ХVІІІ Партсъезд» ат. ауылшаруашылығы бірлестігінің экономисті, бас экономисті (1990-1995);
• «Айтиево» өндірістік кешенінің жабдықтаушысы,  экономисті, бас экономисті (1997-1999);
• «Акжол» шаруа қожалығының басшысы (1999-2001);
• Батыс Қазақстан облысы Теректі ауданы еңбек және халықты әлеуметтік қорғау бөлімінің бастығы (2001-2002);
• Жалпы үлгідегі интернат үйінің директоры, Орал қ. (2002-2003);
• Батыс Қазақстан облысы жұмыспен қамту және халықты әлеуметтік қорғау басқармасы бастығының орынбасары (2003-2005);
• Батыс Қазақстан облысы жұмыспен қамту және әлеуметтік бағдарламаларды үйлестіру департаменті директорының орынбасары (2005-2008);
• Қазақстан Республикасы Табиғи монополияларды реттеу агенттігі Батыс Қазақстан облысы бойынша департаментінің директоры (2008-2010);
• Батыс Қазақстан облысы жұмыспен қамту және әлеуметтік бағдарламалар басқармасының бастығы (2010-2012);
• Батыс Қазақстан облысы Ақжайық ауданының әкімі (2012-2015);
• Батыс Қазақстан облысы әкімінің орынбасары (2015-2016);
• Орал қаласының әкімі (2016-2017);

Сайланбалы қызметтері, депутаттық:

• Қазақстан Республикасы Парламенті Сенатының депутаты (06.2017 ж. бастап);
• Әлеуметтік-мәдени даму және ғылым комитетінің хатшысы (09.2020-06.2022 жж.);
• Әлеуметтік-мәдени даму және ғылым комитетінің төрағасы (06.2022 12.2022 жж).

Мемлекеттік және халықаралық наградалары, сыйлықтары, құрметті атақтары:

• «Құрмет» ордені (2016)

Жалпы ақпарат, білімі

Ермағанбет Бөлекпаев 1975 жылы 2 қыркүйекте Қарағанды облысы Шет ауданы Өспен ауылында дүниеге келген. 1996 жылы Е.А. Бөкетов атындағы Қарағанды мемлекеттік университетінің экономика факультетін бітірген.

Мансап

Еңбек жолын 1996 жылы «Казкоммерцбанк» ААҚ Теміртау филиалында экономист қызметінен бастаған.
1998 жылдан бастап мемлекеттік қызметте. Индустрия, энергетика және сауда министрлігінде экспорттық бақылау және лицензиялау департаментінің бас маманы лауазымында жұмыс істеді.
2002 жылы осы ведомство бастығының орынбасары болды.
2006 жылы Павлодар облысы әкімі аппараты басшысының орынбасары.
2006 жылдан 2008 жылға дейін Павлодар облысы Павлодар ауданының әкімі болды.
2008 жылдан 2009 жылға дейін Павлодар облысының Кәсіпкерлік және өнеркәсіп басқармасын басқарды.
ҚР Мемлекеттік қызмет істері агенттігінің Қарағанды, Оңтүстік Қазақстан облыстары және Нұр - Сұлтан қаласы бойынша аумақтық басқармасының бастығы-тәртіптік кеңес төрағасы лауазымын атқарды.
2013 жылдан 2018 жылға дейін Астанадағы Сарыарқа, Алматы және Есіл аудандарының әкімі болды.
2018 жылы Қазақстан Республикасы Президенті Әкімшілігінің мемлекеттік инспекторы болып тағайындалды.
2018 жыл мен 2020 жыл аралығында Қарағанды облысы әкімінің орынбасары қызметін атқарды.
2020 жылдың қыркүйегінен бастап 2022 жылдың желтоқсанына дейін Қарағанды қаласының әкімі болып қызмет етті.
2022 жылғы 8 желтоқсаннан бастап Қарағанды облысының әкімі болып тағайындалды.
«Құрмет» орденімен және «Ерен еңбегі үшін» медалімен марапатталған.

Жалпы ақпарат, білімі

Құмар Iргебайұлы Ақсақалов 1965 жылы туған. 1987 жылы В.П.Горячкин атындағы Мәскеу ауыл шаруашылығы өндiрiсiнiң инженерлерi институтын инженер-механик мамандығы бойынша тамамдаған. Экономика ғылымдарының кандидаты.

Мансап

1987-1989 ж.ж. — Қостанай облысы Урицкий ауданы «Крыловский» кеңшарының бас инженерi болды.
1989-1992 ж.ж. — Қазақстанның ЛКЖО-ның Қостанай облысы Урицкий аудандық комитетiнiң бiрiншi хатшысы.
1992-1993 ж.ж. — Қостанай облысы Урицкий ауданы «Маяк» кеңшарының бас инженерi.
1993-1994 ж.ж. — Қостанай облысы Қостанай ауданы «Новоселовка» мемлекеттiк шағын кәсiпорнының директоры.
1994-1996 ж.ж. — Қостанай облысы Қостанай ауданы «Қостанай» ғылыми-өндiрiстiк бiрлестiгi директорының орынбасары.
1996-1998 ж.ж. — Қостанай облысы Меңдiқара ауданының «Север» ұжымшарының төрағасы, «Север» ААҚ президентi.
1998-2002 ж.ж. — Қостанай облысы Меңдiқара ауданының әкiмi.
2002-2004 ж.ж. — Қостанай облысы Таран ауданының әкiмi.
2004-2006 ж.ж. — Қазақстан Республикасы Президентi Әкiмшiлiгiнiң Мемлекеттiк бақылау және ұйымдастыру жұмысы бөлiмiнiң мемлекеттiк инспекторы.
2006-2010 ж.ж. — Жамбыл облысы әкiмiнiң орынбасары.
2010-2015 ж.ж. — «Нұр Отан» халықтық демократиялық партиясы Орталық аппаратының басшысы, «Нұр Отан» партиясының хатшысы.
2015-2017 ж.ж. — Қазақстан Республикасы Президентi Әкiмшiлiгi Басшысының орынбасары.
2017 жылғы 14 наурыздан 2022 жылғы 30 қарашаға дейін — Солтүстік Қазақстан облысының әкімі.
2022 жылғы 1 желтоқсаннан бастап Қостанай облысының әкімі болып тағайындалды.

Лауазымдық міндеттері:

Облыс аумағында Қазақстан Республикасы заңдарының, Қазақстан Республикасы Президенті жарлықтарының, жоғары тұрған мемлекеттік органдардың басқа да актілерінің орындалуын ұйымдастырады, облыстың халық шаруашылығы кешенінің жұмыс істеуін қамтамасыз ету мәселелері бойынша Қазақстан Республикасының Үкіметімен өзара іс-қимыл жасайды. «Қазақстан-2030», «Қазақстан-2050» стратегияларының орындалуын ұйымдастырады және бақылайды. Кадр саясатын жүзеге асырады. Сыбайлас жемқорлыққа қарсы іс-қимыл бойынша шаралар қабылдайды.
Мемлекеттік саясатты жүргізуді қамтамасыз етеді, өңірдің әлеуметтік-экономикалық дамуының жай-күйіне жауапты.

Облыс әкiмiнiң орынбасарларының, қалалық және аудандық әкiмдiктердiң және әкiмдердiң жұмысын үйлестiредi.
Облыс әкімдігінің,
облыс әкімдігі жанындағы құқық бұзушылықтардың алдын алу жөніндегі ведомствоаралық комиссияның,
дағдарыстық жағдайлар туындаған кезде Қостанай облысының өңірлік жедел штабының,
облыс әкімдігі жанындағы терроризмге қарсы комиссияның,
облыс әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссияның,
төтенше жағдайлардың алдын алу және оларды жою жөніндегі комиссияның қызметін басқарады


Республикалық деңгейде:
Президент Әкімшілігімен, Үкімет Аппаратымен, министрліктермен;
жергілікті деңгейде:
Қостанай облысының прокуратурасымен,
Қазақстан Республикасы Ұлттық қауіпсіздік комитетінің Қостанай облысы бойынша департаментімен,
«Қазақстан Республикасы Ішкі істер министрлігі Қостанай облысының полиция департаменті» ММ,
«Қазақстан Республикасы Қорғаныс министрлігі Қостанай облысының қорғаныс істері жөніндегі департаменті» ММ,
«Қазақстан Республикасы Төтенше жағдайлар министрлігі Қостанай облысының Төтенше жағдайлар департаменті» ММ,
«Қазақстан Республикасы Әділет министрлігі Қостанай облысының Әділет департаменті» РММ,
«Қазақстан Республикасы Мемлекеттік қызмет істері агенттігінің Қостанай облысы бойынша департаменті» РММ,
«Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қостанай облысы бойынша департаменті» РММ,
«Қазақстан Республикасы Ішкі істер министрлігі Қылмыстық-атқару жүйесінің Қостанай облысы бойынша департаменті» РММ өзара іс-қимыл жасауды жүзеге асырады.
Заңнамаға сәйкес өзге де міндеттерді жүзеге асырады.

Жалпы ақпарат, білімі

Нұрлыбек Нәлібаев 1976 жылы Қызылорда облысында туған. Қазақ мемлекеттік аграрлық университетін, Қазақ гуманитарлық заң университетін бітірген.
РФ Президенті жанындағы Ресей Халық шаруашылығы және мемлекеттік қызмет академиясының 3 курс докторанты.

Мансап

Еңбек жолын 1997–1998 жылдары аралығында «Казахойл-коммерция» ЖШС мұнай және мұнай өндірісі сарапшысы болып бастаған.
1998-2005 жж. жеке коммерциялық құрылымдарда басшылық қызметтер атқарған.
2005-2007 жж. – Қызылорда қаласы әкімінің орынбасары, бірінші орынбасары.
2007-2008 жж. – Қызылорда облысы әкімі аппаратының басшысы.
2008-2013 жж. – Қызылорда облысы, Шиелі ауданының әкімі.
2013-2021 жж. – Қызылорда облысы, Қызылорда қаласының әкімі.
2021-2022 жж. – Қазақстан Республикасы Премьер-министрі Кеңсесінің Өңірлік даму бөлімінің меңгерушісі.
2022 жылдың 7 сәуірінен бастап Қызылорда облысы әкімі қызметін атқарады.

Марапаттар
«Құрмет» ордені/2011
«Парасат» ордені/2016
 Қазақстанның құрметті құрылысшысы

Жалпы ақпарат, білімі

Қилыбай Нұрдәулет Игілікұлы 1978 жылы 10 сәуірде Маңғыстау облысының Бейнеу ауданында дүниеге келген. 1999 жылы Қазақ көлік және коммуникациялар академиясын «темір жол көлігіндегі тасымалдауды ұйымдастыру» мамандығы бойынша бітірген. 2003 жылы Л.Н.Гумилев атындағы Еуразия ұлттық университетін «Қаржы және қаржылық құқық» мамандығы бойынша бітірген. «Қазақстан Республикасының Парламентіне 10 жыл» мерейтой медалі - 17.01.2006 ж., «Ерен еңбегі үшін» медалі - 09.12.2013 ж., «Қазақстан Республикасының конституциясына 25 жыл» мерейтой медалі - 28.08.2020 ж., иегері.

Мансап

Еңбек жолын Ақтау қаласы "Қазақстан темір жолы" республикалық мемлекеттік кәсіпорнының Атырау тасымалдау бөлімшесінің Маңғышлақ станциясының РЗД-16 станциясында кезекшінің практиканты болып бастаған.
02.12.1999 - 16.10.2000 - Қазақстан Республикасы Қарулы Күштері қатарындағы қызмет, Ресей.
19.10.2000 - 18.12.2000 - "Қазақстан темір жолы" республикалық мемлекеттік кәсіпорнының Атырау тасымалдау бөлімшесінің Маңғышлақ станциясының РЗД "Р" станциясында кезекші, Ақтау қаласы.
21.12.2000 - 08.02.2001 - «Қазақстан темір жолы» республикалық мемлекеттік кәсіпорнының Ақмола станциясының кіру жолындағы жүктерді қабылдау-тапсырушысының көмекшісі, Ақмола қаласы.
08.02.2001 - 23.08.2001 - «Қазақстан темір жолы» республикалық мемлекеттік кәсіпорнының Ақмола станциясының кіреберіс жолдардағы қабылдау-тапсырушы, Ақмола қаласы.
23.08.2001 - 01.02.2002 - "Қазақстан темір жолы" республикалық мемлекеттік кәсіпорнының Астана станциясының кіреберіс жолдардағы жүктерді аға қабылдау-тапсырушысы, Астана қаласы .
01.02.2002 - 12.02.2002 - "Қазақстан темір жолы" республикалық мемлекеттік кәсіпорнының "Жүк тасымалдары" еншілес мемлекеттік кәсіпорны филиалының Астана станциясының аға жүк қабылдау-тапсырушы, Астана қаласы.
14.02.2002 - 03.07.2002 - "Инфрақұрылым" еншілес мемлекеттік кәсіпорнының техникалық басқармасының техникалық бөлімінің бас маманы, Астана қаласы.
03.07.2002 - 12.05.2003 - "Қазақстан темір жолы" Ұлттық компаниясы" жабық акционерлік қоғамының Магистральды темір жол желісі департаментінің Техникалық басқармасының инфрақұрылымдардың техникалық құралдарын модернизациялау бөлімінің бас маманы, Астана қаласы.
12.05.2003 - 06.10.2003 - "Қазақстан темір жолы" Ұлттық компаниясы" жабық акционерлік қоғамының Техникалық басқармасының қауіпсіз технологиялық процестерді ұйымдастыру бөлімінің бастығы, Астана қаласы.
06.10.2003 - 05.01.2004 - "Қазақстан темір жолы" Ұлттық компаниясы" жабық акционерлік қоғамының Техникалық басқармасының қауіпсіз технологиялық процестерді ұйымдастыру бөлімінің бас маманы, Астана қаласы.
05.01.2004 - 07.02.2005 - "Қазақстан темір жолы" Ұлттық компаниясы" жабық акционерлік қоғамының Магистральдық желі дирекциясы басқарушысының көмекшісі, Астана қаласы .
07.02.2005 - 01.06.2005 - Қазақстан Республикасы Көлік және коммуникация министрлігінің Қатынас жолдары комитетінің экономикалық және тарифтік саясат басқармасының темір жол көлігімен жолаушыларды тасымалдауды жоспарлау және субсидиялау бөлімі бастығының міндетін атқарушы, Астана қаласы .
01.06.2005 - 05.10.2005 - Қазақстан Республикасы Көлік және коммуникация министрлігінің Қатынас жолдары комитетінің Экономикалық және тарифтік саясат басқармасының экономикалық талдау, болжамдау және бюджеттік бағдарламалар бөлімі бастығының міндетін атқарушы, Астана қаласы .
05.10.2005 - 31.07.2006 - Қазақстан Республикасы Көлік және коммуникация министрлігінің Қатынас жолдары комитетінің Экономикалық және тарифтік саясат басқармасының экономикалық талдау, болжамдау және бюджеттік бағдарламалар бөлімінің бастығы, Астана қаласы.
31.07.2006 - 28.01.2008 - Қазақстан Республикасы Көлік және коммуникация министрлігі Қатынас жолдары комитетінің Экономикалық және тарифтік саясат басқармасының бастығы, Астана қаласы.
28.01.2008 - 10.10.2008 - Қазақстан Республикасы Көлік және коммуникация министрлігі Көлік және қатынас жолдары комитетінің Темір жол көлігі басқармасының бастығы, Астана қаласы .
10.10.2008 - 10.06.2009 - Қазақстан Республикасы Көлік және коммуникация министрлігі Қатынас жолдары комитеті төрағасының орынбасары, Астана қаласы.
11.06.2009 - 12.01.2010 - "Вокзал-сервис" акционерлік қоғамының президенті, Астана қаласы .
12.01.2010 - 07.07.2010 - "Қазақстан темір жолы" Ұлттық компаниясы" акционерлік қоғамының жолаушылар тасымалы жөніндегі басқарушы директордың міндетін атқарушы, Астана қаласы.
07.07.2010 - 29.10.2010 - "Қазақстан темір жолы" Ұлттық компаниясы" акционерлік қоғамының жолаушылар тасымалы жөніндегі басқарушы директоры, Астана қаласы.
01.11.2010 - 10.01.2011 - Қазақстан Республикасы Көлік және коммуникация министрлігі Көлік және қатынас жолдары комитеті төрағасының міндетін уақытша атқарушы, Астана қаласы.
11.01.2011 - 16.09.2011 - Қазақстан Республикасы Көлік және коммуникация министрлігі Көлік және қатынас жолдары комитетінің төрағасы, Астана қаласы.
29.09.2011 - 09.11.2011 - Қазақстан темір жолы" Ұлттық компаниясы" акционерлік қоғамы президентінің кеңесшісі, Астана қаласы.
09.11.2011 - 25.06.2012 - "Қазақстан темір жолы" Ұлттық компаниясы" акционерлік қоғамы "Маңғыстау жол бөлімшесі" филиалының директоры, Ақтау қаласы.
25.06.2012 - 19.09.2012 - Қазақстан Республикасы Көлік және коммуникация министрлігі Көлік және қатынас жолдары комитеті төрағасының міндетін атқарушы, Астана қаласы.
20.09.2012 - 08.08.2013 - Қазақстан Республикасы Көлік және коммуникация министрлігі Көлік және қатынас жолдары комитетінің төрағасы, Астана қаласы.
09.08.2013 - 08.09.2015 - "Қазақстан темір жолы" Ұлттық компаниясы" акционерлік қоғамы Басқарушы директор-Аппарат басшысы, Астана қаласы .
08.09.2015 - 22.11.2017 - "Жолаушылар тасымалы" акционерлік қоғамының Басқарма төрағасы (Президенті), Астана қаласы.
24.11.2017 - 06.06.2018 - "Теміржолсу" акционерлік қоғамының президенті, Астана қаласы.
06.06.2018 - 10.12.2018 - "Теміржолсу" акционерлік қоғамының Бас директоры-Басқарма төрағасы, Астана қаласы.
05.12.2018 - 25.06.2020 - Маңғыстау облысы әкімінің орынбасары, Ақтау қаласы .
26.06.2020 - 02.10.2022 - Ақтау қаласының әкімі, Ақтау қаласы .
03.10.2022 - 24.01.2023 - Маңғыстау облысы әкімінің орынбасары, Ақтау қаласы.
26.01.2023 - 17.05.2024 - "ӨзенМұнайГаз" АК Бас директоры, Жаңаөзен қаласы .

• 17.05.2024 - осы уақытқа дейін - Маңғыстау облысының әкімі, Ақтау қ.

Жалпы ақпарат, білімі

Асайын Қуандықұлы Байханов 1977 жылы Павлодар облысы Баянауыл ауданында дүниеге келген. 2000 жылы Павлодар университетін «Экономика және менеджмент» мамандығы бойынша тәмамдаған. 2005-2006 жылдары European Bank for Reconstruction and Development (EBRD) және «ProCredit Holding AG» неміс халықаралық банк холдингінің Корпоративтік квалификация арттыру Орталығында білімін жетілдірген. 2017 жылы М.В. Ломоносов ат. Мәскеу мемлекеттік университетінде «Стратегиялық менеджмент және кәсіпкерлік» бойынша МВА дәрежесін алды.

Мансап

Еңбек жолын 2000 жылы банк секторында Еуропа қайта құру және даму банкінің (EBRD) офисі Қазақстанда жүзеге асырған Қазақстанның шағын бизнесі бағдарламасы бойынша бастаған. Асаин Байханов Екібастұз қаласындағы кредит сарапшысы ретінді тағылымдамадан бастап, EBRD Бағдарламасының Алматы қаласындағы бас офисінің жаңа банк продуктілерін енгізу бөлімінің басшысына дейін қызмет атқарды. Осы аралықта Еуропа қайта құру және даму банкінің Қазақстанда және шетелде ұйымдастырылған түрлі оқыту семинарлары мен көпдеңгейлі білім беру бағдарламаларынан өткен.
2003 жылдан 2007 жылға дейін «ProCredit Holding AG» неміс халықаралық банк холдингінде бірқатар басшылық лауазымдарында қызмет атқарған. Киев қаласындағы «ПроКредит Украина» ЖАО-ның атқарушы директоры болған. 2007 жылы А. Байханов Қазақстанға «Нұрбанк» АҚ Басқарма басшысы орынбасары қызметіне оралып, банктің филиалдық желісін кеңейту, аграрлы сала мен шағын және орта бизнесті несиелеу бағыттары бойынша жұмыс жасаған.
2009-2015 жылдар аралығында жеке секторға ауысып, ауылшаруашылығы саласында кәсіпкерлікпен айналысқан. Мал шаруашылығы, өсімдік шаруашылығы, Алматы және Алматы облысында логистика мен жүк тасымалы бойынша бірқатар нәтижелі бизнес-жобаларды іске асырған.
2015-2020 жылдар «КазАгро» Ұлттық басқарма холдингі» АҚ тобындағы «КазАгроӨнім» АҚ квазимемлекеттік компаниясының Басқарма басшысының орынбасары болды. Бұл аралықта ауылшаруышылығындағы түрлі мемлекеттік бағдарламаларды өзгерту және ауылшаруашылығы өнімдерін экспорттау бойынша мақсатты индикаторларға қол жеткізу бойынша жұмыс топтарында жұмыс істеп, оларды басқарды.
2020 жылғы наурыздан бастап жаңа тағайындауға дейін Павлодар облысы әкімінің орынбасары лауазымында еңбек етті. Ауыл шаруашылығы, ауылдық аймақтарды дамыту, жер қойнауын пайдалану, қоршаған орта мен су ресурстары, жер қатынастары, әлеуметтік қорғау және спорт мәселелеріне жетекшілік етті.
Осы уақытқа дейін Павлодар қаласының әкімі қызметін атқарды.

Жалпы ақпарат, білімі

Нұрмұхамбетов Ғауез Торсанұлы 1968 жылдың 11 шілдесінде Қостанай облысы Қарасу ауданының Майский ауылында дүниеге келген.
1992 жылы Целиноград ауыл шаруашылығы институтын «ғалым агроном» мамандығы бойынша, 2002 жылы – Челябі мемлекеттік университетін «заңгер» мамандығы бойынша, 2008 жылы – Қостанай инженерлік-экономикалық университетін «экономика бакалавры» мамандығы бойынша тамамдады. Экономика ғылымдарының кандидаты.

Мансап

Еңбек жолын 1985 жылы Қостанай облысы Комсомол ауданы «Магнайский» совхозының № 1 бригадасының механизаторы болып бастады.
1992-1994 жылдары Торғай облысы Октябрьский ауданы Вильямс атындағы совхоздың бас агрономы.
1994-1996 жылдары – Қостанай облысы Қостанай ауданы «Московский» совхозының бас агрономы.
1996-1997 жылдары – Қостанай облысы Комсомольский ауданы «Боскольское» КК директоры.
1997-2002 жылдары – Қостанай облысы Таран ауданының әкімі.
2002-2008 жылдары – Қостанай облысы Қарабалық ауданының әкімі.
2008-2009 жылдары – Қостанай облысы Қостанай қаласының әкімі.
2009 жылдан 2011 жылға дейін - Қостанай қаласы «Содружество» ЖШС бас директорының орынбасары.
2011-2012 жылдары – Қостанай облысы Әулиекөл ауданының әкімі.
2012 жылдан 2014 жылға дейін – Қостанай қаласының әкімі.
2014 жылдан 2015 жылға дейін – Қазақстан Республикасы Президенті Әкімшілігінің мемлекеттік бақылау және ұйымдастыру-аумақтық жұмыс бөлімінің мемлекеттік инспекторы.
2015 жылдан 2023 жылға дейін – Қостанай облысы әкімінің бірінші орынбасары.
2023 жылғы қаңтардан бастап 2023 жылғы қыркүйекке дейін – Қазақстан Республикасы Парламенті Сенатының депутаты.
2023 жылғы 23 қыркүйектен бастап Солтүстік Қазақстан облысының әкімі болып тағайындалды.
«Парасат» орденімен және «Ерен еңбегі үшін» медальмен, «Астана», «Қазақстан Республикасының Тәуелсіздігіне 10 жыл», «Қазақстан Конституциясына 10 жыл», «Тыңға 50 жыл», «Астананың 10 жылдығы», «Қазақстан Республикасының Тәуелсіздігіне 20 жыл» мерекелік медальдарымен, «Құрметті құрылысшы» төс белгісімен марапатталған.

Жалпы ақпарат, білімі

1974 жылы Оңтүстік Қазақстан облысында туған. С.Сейфуллин атындағы Ақмола ауылшаруашылығы институтын, Қазақ гуманитарлық заң университетін бітірген. Экономика ғылымдарының кандидаты.

Мансап

Еңбек жолын 1996 жылы Оңтүстік Қазақстан облысының Келес ауданының «Келес» коммуналдық кәсіпорнында бастаған.
2000-2006 жылдары Қаржы министрлігінде, Президенттің Іс басқармасында әртүрлі лауазымдарда қызмет атқарған.
2007-2010 жылдары Білім және ғылым министрлігінің Бюджет және Қаржы департаменттері директорының орынбасары, Ғылым комитеті төрағасының орынбасары болған.
2010 жылы Ұлттық қауіпсіздік комитетінің департамент бастығы лауазымына тағайындалған.
2011-2013 жылдары Премьер-Министр Кеңсесінің
Әлеуметтік-экономикалық бөлімі меңгерушісінің орынбасары лауазымын атқарған.
2013 жылы Шымкент қаласының әкімі болып тағайындалған.
2015-2017 жылдары Оңтүстік Қазақстан облысы әкімінің бірінші орынбасары лауазымын атқарған. Парламент Сенатының депутаты болып сайланған.
2019 жылғы наурыздан бастап Қазақстан Республикасының Өзбекстан Республикасындағы Төтенше және Өкілетті Елшісі.
2022 жылғы 31 тамыздан Түркістан облысының әкімі болып тағайындалды.

«Ерен еңбегі үшін» медалімен, «Құрмет» орденімен марапатталған.

Жалпы ақпарат, білімі

Туған күні: 23.06.1984
Білімі:
2005 жыл - әл-Фараби атындағы Казақ Ұлттық университеті
Мамандығы: мемлекеттік және жергілікті басқару
2008 жыл - ҚазМЗУ Алматы заң академиясы
Мамандығы: заңтану
2022 жыл - Қазақстан Республикасы Президентінің жанындағы Мемлекеттік басқару академиясы: мемлекеттік басқару магистрі

Мансап

Еңбек жолын 2006 жылы Алматы қаласы экономика және бюджеттік жоспарлау департаментінің түсімдерді болжау бөлімінің бас маманы болып бастады.
2007-2011 - Алматы қаласы экономика және бюджеттік жоспарлау департаментінің экономикалық саясат және салалық жоспарлау бөлімінің бастығы.
 2011-2012 - Алматы қаласы бойынша Тексеру комиссиясының жоспарлау, есептілік және ақпараттандыру бөлімінің бастығы.
2013-2015 - Алматы қаласы экономика және бюджеттік жоспарлау басқармасы басшысының орынбасары.
2015-2016 - Республикалық бюджеттің атқарылуын бақылау жөніндегі Есеп комитетінің жоспарлау, талдау және есептілік бөлімінің жоспарлау және мониторинг жүргізу секторының меңгерушісі.
2016-2018 - «Астана ЭКСПО -2017» Ұлттық компаниясы» акционерлік қоғамының бухгалтерлік есеп және есептілік департаментінің директоры - бас бухгалтері.
2018-2019 - Павлодар облысының кәсіпкерлік, сауда және туризм басқармасының басшысы.
2019-2020 - «Астана ЭКСПО - 2017» Ұлттық компаниясы» акционерлік қоғамының экономика және бюджеттік жоспарлау департаментінің директоры.
  2020-2023 - Қазақстан Республикасы Мәдениет және спорт министрлігі туризм индустриясы комитетінің төрағасы.
2023-2024 - Ұлытау облысы әкімінің орынбасары.
2024 жылдың наурыз айынан қазан айына дейін - Қазақстан Республикасы Президент Әкімшілігінің мемлекеттік инспекторы.
2024 жылдың 9 қазанынан бастап Ұлытау облысының әкімі.